Google ADS

Mediet malazeze raportojnë për konfiskim të 100 emblemave IPA – i implikuar edhe konsulli rus

23:03 | 22 Shkurt 2020
A. B.

Policia kufitare malazeze ka gjetur dhe ka konfiskuar 100 emblema të rrejshme të Asociacionit Ndërkombëtar të Policisë (IPA).

Emblemat janë transportuar në mënyrë të paligjshme në Mal të Zi dhe ato, siç dyshohet, është dashur t’i marrë konsulli i nderit rus Borivoje Gjukiq.

Të mërkurën, siç shkruan e përditshmja Pobjeda, rreth orës një pas mesnate, në vendkalimin kufitar Dobrakovo, në autobusin me targa serbe është gjetur një pako me fletëdalje të rrejshme policore.

Raportohet se policia kufitare dyshonte se Asociacioni Ndërkombëtar Policor po shpërndante ilegalisht emblema të një organizate nga Serbia në Mal të Zi.

Në emblemat IPA që janë konfiskuar, në bexhin policor, ishte e gravuar mbishkrimi “Russian section”.

Shpërndaje në rrjete sociale

Lajmet më të lexuara

Të ngjashme

Foto lajm